Өссө биир путевка баар!

Дьокуускай куоракка СӨ IX Спортивнай оонньууларга сүүмэрдиир спортинг көрүҥэр Саха республикатын эр дьоҥҥо Чемпионатыгар Ньурбабыт улууһун хамаандата Игорь Егоров, Николай Додохов, Василий Афанасьев састааптаах кыттыыны ылан, путевка ылары ситистилэр. Маны сэргэ, Игорь Егоров биирдиилээн ытыыга иккис миэстэ уонна абсолютнай киирсиигэ үчүгэй көрдөрүүлээх кыттыыны ылла.

Улуустааҕы спортинг көрүҥүн федерацията ааспыт сылтан саҥа тэриллэн салайааччытынан Афанасий Евгеньевич үлэлиир. Федерация бу көрүҥ ыытыллар Ньурбачаан нэһилиэгин баһылыгын Артем Атамановичтыын ыкса үлэлэһэр.

Ньурбабыт улууһугар спортинг площадката үлэтин саҕалаатаҕына, бу көрүҥҥэ дьарыктанааччы элбээн, улууспутугар өссө биир ураты спорт көрүҥэ сайдыа диэн бигэ эрэллээхпит.

Ньурбатааҕы спорт управлениетын пресс-киинэ